مشروعات منزلية الى كل شاب وامراة الى كل ربة منزل محتاجة تزود دخلها من
غير ماتخرج من بيتها نقدم لها مشروعات منزلية وكمان مكسبها مضمونمشروع يمكن تنفيذة من المنزل وهو تركيب البرفانات(العطور)
مشروع منزلى سهل التنفيذ ومربح جدا للاسرة
متطلبات المشروع
اولا يوجد نوعان من من الأسانس أسانس عالى والأخر شعبى والفرق فى السعر مش كبير ويجب شراء الكوب المختص بالمقياس حتى تعرف الكمية التى تضع يعنى يتراوح سعر الجرام مابين 40 و60 قرشا
طب اية هى اماكن بيع الاسانسات دى فى اماكن كتير اوى اهمها الازهر والحسين وفيهم محلات كتير اوى وسعرها حلو وارخص من اى مكان تانى
ثانيا الزجاجات ودى رخيصة اوى لايتعدى ال2جنيةوبردو فى الازهر والحسين
ثالثا الكحول وتمنة 8جنية للزجاجة ودى بتعمل اكتر من 2 زجاجة
رابعا الكحول وهو الجلسرين
تعالو نركب زجاجة مع بعض 50 ملى
طريقة التركيب
1- نضع 7جرام اسنس ودة انواعة كتير على حسب البرفيوم المطلوب ودول كدة بـ 3جنية ونص
2- نكمل باقية الزجاجة كحول ودة رخيص زى ماقلنا
3- نحط نقطتين جلسرين لتثييت العطر
كدة خلاص ركبنا الزجاجة .زجاجة بالحجم دة بنشتريها ب15و20جنية احنا كلفناها اقل من 5جنية
وبكدة نقدر نبيعها ونكسب كويس فيها
المشروع دة كويس اوى احنا ممكن الاول نبيع المنتج الى الاهل والجيران والاصحاب وزملاء العمل ونبيع لهم بسعر اقل وهنلاقى واحدة واحدة الموضوع انتشر ونلاقى نفسنا كسبنا من المشروع البسيط.
